 | நாம் கற்கப் போவது........ | |
முதல் பாடத்தில் நாம் ஸம்ஸ்க்ருத எழுத்துக்களைப் பார்த்து அவற்றின் ஒலி வடிவங்களையும் கேட்டோம். இப்பாடத்தில் உயிர் மெய்யெழுத்துக்களின் உள்வகைப்பாடுகளைக் கற்கலாம். துடக்கத்தில் எழுத்துக்களின் பலவுதமான பிரிவுகள் உங்களை சற்றே திணறடிக்கலாம். பிரிவுகளின் அடிப்படை முழுதும் விளங்காவிடினும் மேலேப் படிக்குமாறு வேண்டுகிறோம். இந்த ஆரம்பப் பாடங்களின் நோக்கம் தொடக்க நிலையில் கற்போறுக்கு ஸம்ஸ்க்ருத எழுத்துக்களுடன் நல்ல பரிச்சயம் ஏற்பட வேண்டும் என்பதே.
ஸம்ஸ்க்ருத உயிரெழுத்துக்கள் அவை ஒலிப்பதற்கான நேரத்தைக் கணக்கிட்டு மூன்று வகையாகப் பிரிக்கப்பட்டுள்ளன.
குறிலெழுத்தை உச்சரிக்க ஒரு மாத்திரை (मात्रा) அளவு நேரம் தேவைப்படுவதாக கணக்கிடப்படுகிறது, இந்த கணக்களவின் அடிப்படையில் நெடில் மற்றும் நீண்ட நெடிலெழுத்துக்களை உச்சரிக்க முறையே இரண்டு மற்றும் மூன்றும் அதற்கு அதிகமாகவும் மாத்திரைகள் அளவுள்ள நேரம் தேவைப்படுகிறது. நீண்ட நெடிலெழுத்துக்கள் வேத மந்திரங்களில் ஒலிக்கப்படுகின்றன. தொடக்க நிலைப் பாடங்களில் இவ்வடிவுள்ள எழுத்துக்கள் இடம் பெறுவதில்லை.
முதல் பாடத்தில் நாம் கற்ற 13 உயிரெழுத்துக்கள் குறில் மற்றும் நெடிலென இருவகையாகப் பிரிக்கப்படுகின்றன. எழுத்துக்களை க்ளிக் செய்தால் ஒலிகளைக் கேட்கலாம்!
| உயிர் எழுத்துக்கள் स्वरवर्णा: | |
|---|---|
| ह्रस्व-स्वरा: குறில்கள் | अइउऋऌ மொத்தம் = 5 |
| दीर्घ-स्वराः நெடில்கள் | आईऊॠ एऐओऔமொத்தம் = 8 |
| प्लुत-स्वराः நீண்ட நெடில்கள் | अ3इ3उ3ऋ3 ऌ3ए3ऐ4ओ3औ4மொத்தம் = 9 |
இப்பொழுது மெய்யெழுத்துக்கள் எவ்விதம் வகைப்படுத்தப்படுகின்றன என்பதைப் பார்ப்போம்!
| ஸம்ஸ்க்ருத மெய்யெழுத்துக்கள் व्यञ्जनवर्णाः | |
|---|---|
| स्पर्श-व्यञ्जनाः மூடொலி எழுத்துக்கள் | क्ख्ग्घ्ङ् च्छ्ज्झ्ञ् ट्ठ्ड्ढ्ण् त्थ्द्ध्न् प्फ्ब्भ्म्மொத்தம் = 25 |
| अन्तःस्थ-व्यञ्जनाः அரை உயிர் எழுத்துக்கள் | य्र्ल्व्மொத்தம் = 4 |
| ऊष्म-व्यञ्जनाः சீரொலி எழுத்துக்கள் | श्ष्स्ह्மொத்தம் = 4 |
மேலே காட்டியபடி ஸம்ஸ்க்ருத அரிச்சுவடியில் 55 எழுத்துக்கள் உள்ளன. – ̇ அனுஸ்வாரமும் : ̅ விஸர்கமும் ஸ்வரங்களின் ஒலி முடிவை குறிப்பதால் இவ்விரண்டும் தனி எழுத்துக்களாக கணக்கிடப்படுவதில்லை. இவ்வெழுத்துக்கள் ஜிஹ்வாமூல்ய உபத்மானீயங்கள் (அரை விஸர்கங்கள்)பாணினியின் மாஹேஶ்வர சூத்திரங்களில் இடம் பெறாததால் அயோகவாஹா (अयोगवाहाः) என்று அழைக்கப்படுகின்றன. அயோகவாஹ எழுத்துக்களை சேர்த்தால் ஸம்ஸ்க்ருத அரிச்சுவடியில் எழுத்துக்களின் எண்ணிக்கை 59 ஆகும்.
இப்பாடத்தைக் குறித்த உங்கள் கருத்துக்களை வேண்டுகிறோம். இலவசமாகப் பதிவுச் செய்து உங்கள் கருத்துக்களை Post செய்யவும்.
மூன்றாவதுப் பாடத்தில் ஒலிகளின் உற்பத்தி ஸ்தானங்களின் அடிப்படையிலான வகைப்பாடுகளை காணலாம்.
 | 0 comments |
संस्कृतवीथी குறித்த
Update பெறுவதற்கு...
