 | நாம் கற்கப் போவது........ | |
இதுவரை நாம் ஸம்ஸ்க்ருத உயிர் மெய்யெழுத்துக்களாக எழுத்துக்களின் பொதுவகைப்பாட்டினை அறிந்தோம். ஸம்ஸ்க்ருத எழுத்துக்களின் ஒலி உற்பத்தி ஸ்தானங்களை ஆதாரமாக்க் கொண்ட அற்புதமான விஞ்ஞான பூர்வமான வகைப்பாட்டினை இப்பாடத்தில் கற்கலாம்,
ஒலியுண்டாக உதவும் வாயுருப்புக்களின் அடிப்படையிலான வகைப்பாட்டினை பார்ப்போம். வகைப்பாடுகள் பின் வருமாறு விளங்குகின்றன.
| கண்ட்ய कण्ठ्य | கண்ட்ய ஒலிகள் தொண்டையில் உண்டாகின்றன. |
| தாலவ்ய तालव्य | தாலவ்ய எழுத்துக்கள் தாடைகளின் உதவியுடன் ஒலிக்கப்படுகின்றன. |
| மூர்தன்ய मूर्धन्य | மூர்தன்ய எழுத்துக்களை ஒலிக்க வாயின் மேற்பாகம் முக்கிய பங்கு வகிக்கிறது. |
| தன்த்ய दन्त्य | தன்த்ய ஒலிகள் நாக்கு மேல் முன் பற்களை தொடுவதனால் ஏற்படுகின்றன, |
| ஓஷ்ட்ய ओष्ठ्य | ஓஷ்ட்ய எழுத்துக்களை ஒலிக்க உதடுகள் உதவுகின்றன. |
எழுத்துக்களை ஒலிப்பதில் வாய் உறுப்புகளுடன் நாக்கிற்கும் பங்குள்ளது, பின் கொடுக்கப்பட்டுள்ள பட்டியல்கள் மேற்கண்ட வகைப்பாட்டில் உயிர் எழுத்துக்களும் (ஸ்வரங்கள்) மெய்யெழுத்துக்களும் (வ்யஞ்சனங்கள்) எவ்வாறு அடங்குகின்றன மற்றும் நாக்கின் பங்கையும் காட்டுகின்றன. எழுத்துக்களை க்ளிக் செய்து ஒலிக்கச் செய்யலாம்.
| ஒலிவகைப்பாடு – ஸ்வரங்கள் | |
|---|---|
| தொகுதி | எழுத்துக்கள் |
| கண்ட்ய कण्ठ्य எழுத்துக்களின் ஒலி தொண்டையிலிருந்து நாக்கின் உதவியில்லாமல் எழுகின்றன. | अआ |
| தாலவ்ய तालव्य எழுத்துக்கள் தாடைகள் பக்கவாட்டில் சற்றே விரிவதன் மூலம் உச்சரிக்கப்படுகின்றன. | इई |
| ஓஷ்ட்ய ओष्ठय எழுத்துக்கள் ஒலிக்கும்பொழுது உதடுகள் குவிகின்றன. | उऊ |
| மூர்தன்ய मूर्धन्य நாக்கு வாயின் மேற்புறத்தை தொடுவது போல் நீண்டு காற்று வெளியேறுவதனால் ஒலி உண்டாகிறது. | ऋॠ |
| தன்த்ய दन्त्य நாக்கு மேல் முன்பற்களை நோக்கி நீண்டு காற்று வெளியேறும்பொழுது ஒலி உண்டாகிறது. | ऌ |
| ஸ்வரங்கள் உச்சரிக்கப்படும்பொழுது நாக்கிற்கும் வாய் உறுப்புகளுக்கும் தொடர்பு ஏற்படுவதில்லை. | |
| இரு ஓருயிர் எழுத்துக்கள் இணைந்து ஈருயிர் எழுத்துக்கள் ஒலிக்கப்படுகின்றன. அவை இரு தொகுதி இணைந்த வகைகளாக கர்தப்படுகின்றன. | |
| கண்ட தாலவ்ய कण्ठतालव्य | अ + इ = ए आ + इ = ऐ |
| கண்டோஷ்ட்ய कण्ठोष्टय | अ + उ = ओ आ+उ=औ |
வ்யஞ்சன எழ்த்துக்களில் மூடொலிகளின் (स्पर्शव्यञ्जनानि) வகைப்பாடு கீழேக் கொடுக்கப்பட்டுள்ளது. உச்சரிக்க உதவும் வகையில் மெய்யெழுத்துக்கள் ‘அகாரத்துடன்’ இணைந்த வண்ணம் கொடுக்கப்பட்டுள்ளன.
| ஒலிவகைப்பாடு-வ்யஞ்சனங்கள் | |||||
|---|---|---|---|---|---|
| கண்ட்ய कण्ठ्य | क | ख | ग | घ | ङ |
| தாலவ்ய तालव्य | च | छ | ज | झ | ञ |
| மூர்தன்ய मूर्धन्य | ट | ठ | ड | ढ | ण |
| தன்த்ய दन्त्य | त | थ | द | ध | न |
| ஓஷ்ட்ய ओष्ठ्य | प | फ | ब | भ | म |
இப்பொழுது அரை உயிர் எழுத்துக்கள் (அன்தஸ்த) மற்றும் சீரெழுத்துக்களின் (ஊஷ்ம) வகைபாடுகளைப் பார்ப்போம்.
| தொகுதி | அன்தஸ்த (अन्तस्थ) ம்ருது (मृदु) | ஊஷ்ம (ऊष्म) கர்கஶ (कर्कश) | |
|---|---|---|---|
| கண்ட்ய कण्ठ्य | ह ம்ருது (मृदु) மஹா ப்ராண (महाप्राण) | ||
| தாலவ்ய तालव्य | य | श | |
| மூர்தன்ய मूर्धन्य | रळ | ष | |
| தன்த்ய दन्त्य | ल | स | |
| ஓஷ்ட்ய ओष्ठ्य | व |
ஸம்ஸ்க்ருத எழுத்துக்களின் வேறுபட்ட வகைப்பாடுகள் துடக்கத்தில் குழப்புவது போலிருக்கும். பாடங்களில் முன்னேறும்பொழுது தெளிவு கிட்டும். அடுத்து வரும் இரு பாடங்களில் ஸ்வரங்கள் மற்றும் வ்யஞ்சனஙுகளின் அனைத்து வகைகளையையும் உள்ளடக்கிய தனிப் பட்டியல்களைப் பார்ப்போம். தொடர்ந்து ஸம்ஸ்க்ருத எழுத்துக்களை எழுதக் கற்கலாம்.
இப்பாடத்தைக் குறித்த உங்கள் கருத்துக்களை வேண்டுகிறோம். இலவசமாகப் பதிவுச் செய்து உங்கள் கருத்துக்களை Post செய்யவும்.
நான்காவது பாடம் ஸம்ஸ்க்ருத உயிரெழுத்துக்கள் – स्वराः – விரிவான நோக்கு.
 | 0 comments |
संस्कृतवीथी குறித்த
Update பெறுவதற்கு...
